وش بناكل اليوم؟

أصعب سؤال وأصعب قرار يتّخذه الموظف بالدوام

الخيارات كثير والحوارات أكثر وكل واحد يبي شيء، وصعب الكل يتفق إلا لو المنيو فيه كل شي .. هذا المفهوم اللي انطلقنا منّه لإطلاق منيو السولو من المشوي العنّابي المطعم اللي زين بكل شي!

بدينا حملتنا ببوستات تشويقيّة وقلنا بلسان المشوي العنّابي جايينكم قريباً بالسولو، منيو سريع وقريب بسعر ما تلقاه بأي مكان وخيارات تقدر تاكلها من أي مكان

وبعدها أطلقنا فيديو الحملة، واللي عبّرنا من خلاله عن مفاهيم محلّية مغلوطة وصحّحناها!

قلنا للي يعتبر المشاوي وجبة ثقيلة، ترى المشوي العنّابي خفّفها، واللي يعتبرها غالية قلنا له، ترى المشوي العنّابي رخّصها، واللي يحس أن المشاوي يبيلها جمعة وقطّة وحوسة، قلنا له مع منيو السولو تقدر تستمتع بوجبة مشاوي لوحدك ومن أي مكان!

ولأننا نجرّب ونبدّع، جرّبنا نقدّم الفيديو بلسان مؤثّر كلنا نعرفه لكن ما قد شفناه بإعلان، وقلنا بلسانه يا سعد، مشاوي بسرعة تجيك يا سعد، أسرع من مطاعم الوجبات السريعة يا سعد، خفيفة عالمعدة وما تقروشك بالدوام يا سعد، قريبة منك وحولك وحواليك يا سعد، وبالمختصر المفيد منيو السولو من المشوي العنّابي زين بكل شي يا سعد

الحملة جمّلت وأثّرت يا سعد وأرقامها ونتايجها تبشّر بالخير وتبيّض الوجه يا سعد
حملة منيو السولو من المشوي العنّابي كانت ولازالت حملة إبداعيّة قوّية وإلين اليوم منيو السولو من المشوي العنّابي
زين بكل شي يا سعد