"النفط أصبح اليوم كأنّه دستورنا، الكتاب والسنّة ثم البترول .. احنا صار عندنا حالة ادمان نفطيّة"

• صاحب السمو الملكي الأمير محمد بن سلمان
  
  

من لحظة اكتشاف النفط ونحن نكرره.. 

ليه ما نكرر شيء ثاني؟ 

نكرر نجاحاتنا!



"صنع في السعودية" اسم يحسسك بالفخر كسعودي وفعل مبني على النجاحات..

النّجاحات اللي تنصنع من أيدي سعودية ومن علامات تجارية سعودية.

انطلقنا في حملتنا مع صنع السعودية باليوم الوطني السعودي 91 باستراتيجية اتصاليّة ترتكز على الصّادرات السعوديّة اللي تعزّز الصّناعات السعوديّة باعتبار مكانها مو بس السعوديّة، مكانها العالميّة!

قلنا بالفيديو الرّئيسي خلّك حديد صامد ما تحيد، وانطلق من أرضنا لأرضهم، وصّل لهم ثقافتنا وحاضرنا ومستقبلنا وصناعاتنا، خلّهم يجرّبون كل شيء سعودي، لا تحدّك حدود وفالك العالميّة!

فيديو الحملة كان جزء ما يتجزّأ من استراتيجيّة اتّصالية متعوب عليها، حلّلنا فيه واقع إعلانات اليوم الوطني والتوجّهات اللي فيها، توقيتها، كثرتها، أفكارها، أنواعها والمواضيع اللي تتناولها..

وكان من أبرز مخرجات الاستراتيجية تموضع "صنع في السّعودية" كشركة سعوديّة تحتفي بالصّناعات السعوديّة وتدعمها في السعوديّة وخارج السعوديّة وتحفزّهم على التصدير، وهذا كان منطلقنا بالتوجّه الإبداعي للحملة واللي كانت رسالتها:

حنّا كسعودين من ٩١ نكرر نفط .. ما تصعب علينا نكرر نجاحاتنا

اللي ساهم في إنجاح الحملة واستراتيجيتها، تعاون صنّاع النّجاح من الشّركات السعوديّة مع "صنع في السعودية"، واللي قلنا لهم رسالتنا وشاركونا بإيصالها بلغتهم، قلنا يا خطوة جمل ذوقوهم قهوتنا السّعودية، قلنا يا تمور المملكة قولوا للعالم إقدعوا، قلنا للمحولات السعوديّة وحديد الرّاجحي حولّوا شكل الصّناعات السعوديّة وصدّروها، قلنا يا هرفي ويالمراعي أكلوهم وشرّبوهم بمدارسهم وبيوتهم، وقلنا يا عبدالصمد القرشي عطّروهم من أطياب السّعودية


خاطرك بحملة تعيش وتسمّع؟ تواصل معنا